عملية تطوير أي لعبة قديمًا ما كانت بالسهولة الي هي اليوم.خلونا ناخذ جولة في الماضي عشان ناخذ فكرة.

تطوير الألعاب قديمًا

في ذاك الوقت ما كانوا يستعملون محرك الألعاب, لأن ببساطة ماكان فيه شيء اسمه محرك ألعاب, ما كان عند شركات تطوير الألعاب وقتها إلا خيارين

- إمّا يطورون محرك ألعاب خاص فيهم
- يبرمجون اللعبة من الصفر

و كل الخيارين في ذاك الوقت ما كانت بالسهولة الي تتوقعها, لك أن تتخيل لغات البرمجة في ذاك الوقت.وكفاءة أجهزة الكمبيوتر وقتها, أبدًا ما كانت تساعد.
تطوير الألعاب قديمًا قصة طويلة اختصارها مستحيل تطور لعبة إلّا ان كان عندك جيش مطورين ومبرمجين.

الوقت الحالي

لكن في الوقت الحالي كل شيء تغير, صارت فيه أدوات كثير تساعد المطورين بشكل كبير ( محركات الألعاب كمثال على الأدوات الي سهلت على مطورين الألعاب ) , الشيء هذا سبب ثورة كبيرة في عالم مطورين الألعاب المستقلين.

الطفرة في إزدياد المطورين المستقلين خلت الشركات تركز على فئة المطورين المستقلين, بحيث صار فيه تنافس بين الشركات على مين يوفر أدوات أفضل للمطورين المستقلين, تعطيهم الإمكانية أنهم يطلعون بنتائج احترافية + بوقت قصير, انا هنا في المنصة راح اكون معاك خطوة بخطوة إلى أنّك تحقق هدفك بأنك تكون مطور ألعاب عظيم يتقاتلون عليك الشركات الكبيرة !

تصور اللعبة الأولي

قبل تبدأ تطوير أي لعبة, لازم تكتب تصورك عن اللعبةكيف يعني تصور اللعبة ؟يعني لازم تحدد ايش نوع اللعبة, نوع الرسومات, المنصة, ثيم اللعبة بشكل عام.. و إلى آخره

رسومات اللعبة " الجرافكس "

الرسومات أو الجرافكس هي جزء مهم من أي لعبة, ما أعتقد أنك تقدر تطور لعبة بدون جرافكس.. عمومًا الجرافكس أو الرسومات تدخل فيها جرافكس الشخصيات, البيئة الخاصة باللعبة, و فيه كثير أدوات وبرامج بتساعدك كمطور ألعاب مستقل في الشيء هذا, وكلها راح نتعلمها بالأكاديمية.

تحريك اللعبة " الأنيميشن "

الانيميشن خطوة مهمة جدًا, في النهاية لازم تحرك الشخصيات و بعض المجسمات في اللعبة, أيًا كانت نوع لعبتك, فأنت لازم تحتاج الأنيميشن و الحركات الي تعطي لعبتك طابع مختلف عن باقي الألعاب, فيه كثير أدوات وبرامج وخيارات كثيرة تتيح لك التحريك بكل سهولة, برضو راح نتعلمها في الأكاديمية.

ختامًا ..

فيه خطوات كثيرة مثل الأصوات والموسيقى و محرك الألعاب والنشر على مختلف المنصات... إلخ لكن هذي كلها بناخذها بشكل تفصيلي بالدروس القادمة.